Pranë Njësisë Vendore të Kujdesit Shëndetësor Lezhë u zhvillua sot një tryezë teknike ndërinstitucionale, me fokus ndërhyrjet emergjente dhe mbështetjen e koordinuar për personat me aftësi të kufizuara.
Takimi u organizua në bashkëpunim me institucionet kryesore që ofrojnë shërbime sociale dhe shëndetësore në nivel vendor dhe rajonal. Qëllimi i kësaj tryeze ishte adresimi i menjëhershëm i një rasti emergjent, si dhe forcimi i bashkëpunimit ndërmjet institucioneve për të garantuar një reagim të shpejtë, efektiv dhe të qëndrueshëm në situata të ngjashme.
Në këtë tryezë morën pjesë:
- Drejtoresha e Shërbimit Social të Bashkisë Lezhë
- Kryeinspektori i Policisë Bashkiake
- Drejtoresha e Drejtorisë Rajonale të Shërbimit Social
- Drejtoresha e Qendrës Shëndetësore Lezhë
- Specialistë të fushës së aftësisë së kufizuar dhe shërbimeve sociale
Gjatë diskutimeve u theksua rëndësia e reagimit të koordinuar dhe ndarjes së qartë të përgjegjësive për të garantuar ndihmë në kohë për çdo rast në nevojë.
Në përfundim, palët ranë dakord për forcimin e mëtejshëm të bashkëpunimit ndërinstitucional dhe ngritjen e një mekanizmi të qëndrueshëm reagimi për situata emergjente që përfshijnë persona me aftësi të kufizuara.
NjVKSH Lezhë mbetet e angazhuar për të kontribuar në ndërtimin e një shoqërie më gjithëpërfshirëse dhe të barabartë për të gjithë.
