Më datë 17 Shtator 2025 u zhvillua Tryeza e Diskutimit “Vaksinimi”, një aktivitet i dedikuar reflektimit dhe shkëmbimit të ideve mbi rëndësinë e vaksinimit dhe rolin e bashkëpunimit ndërinstitucional në shëndetin publik.
Në këtë tryezë morën pjesë profesionistë të shëndetësisë dhe drejtues të NjVKSh Lezhë, të cilët ndanë përvojat dhe vizionin e tyre për të ardhmen e shërbimit shëndetësor parësor.
Diskutimet u fokusuan në:
- realizimet e deritanishme të planeve të vaksinimit,
- sfidat dhe problematikat e hasura,
- vizionin për të ardhmen,
- zgjidhjet e mundshme për ofrimin e një shërbimi shëndetësor parësor cilësor dhe të denjë për çdo qytetar.
Ky aktivitet nënvizoi edhe një herë se vaksinimi mbetet një ndër masat më të sigurta dhe efektive për mbrojtjen e shëndetit publik, ndërsa bashkëpunimi ndërinstitucional është thelbësor për të arritur mbulim sa më të gjerë dhe për të garantuar shëndet më të mirë për komunitetin.
